அமெரிக்க தேர்தலில் முஸ்லிம்களின் வாக்குகளைப் பெறுவதில் ஜனநாய கக் கட்சி வேட்பாளர் பராக் ஒபாமா கவனம் செலுத்த வேண்டும் என ஜனநாயகக் கட்சி யின் முன்னணிப் பிர முகர்கள் தெரிவித்துள்ளதாக ராய்ட்டர் குறிப்பிடுகின்றது.

அமெரிக்க அரசியல் களத்தில் முஸ்லிம்களின் வாக்குகளைப் பெறுவதில் ஜனநாயகக் கட்சியே முன்னிலை வகிக்கின்றது. முன்னாள் அதிபர்களான ஜான் எஃப் கென்னடி, பில் கிளிண்டன் உள்ளிட்டோர் முஸ்லிம்களின் பெருவாரியான வாக்குகளைப் பெற்றனர்.
இந்நிலையில், கென்ய வம்சாவளியைச் சேர்ந்த பராக் ஒபாமா முன்னாள் அதிபர்களைப் போன்றே பெருவாரியான வாக்குகளை பெற வாய்ப்பிருந்தும் அதில் தீவிர கவனம் செலுத்தாமையினால் வாக்குகள் குறையும் அபாயத்தை தவிர்க்க வேண்டும் என்றும் அமெரிக்க முன்னணி பத்திரிக்கையாளர் ஸகீப் ரங்கூன் வாலா தெரிவிக்கிறார்.
அமெரிக்க மக்கள் தொகையில் மூன்று சதவீதம் இடம் பெறும் முஸ்லிம்களில் 70 லட்சம் பேரில் 61 சதவீதத்தின் ஜனநாயகக் கட்சியின் தீவிர ஆதரவாளர்கள் என்றும் 11 சதவீதத்தினர் மட்டுமே அதிபர் புஷ்ஷின் குடியரசுக் கட்சி யினரின் ஆதரவாளர்கள் என அமெரிக்காவின் முன்னணி சமூக நல அமைப்பான கேர்ன் சிக்காகோ பகுதி அமைப்பாளர் அஹ்மத் ரெஹாப் குறிப்பிடுகிறார்.

முந்தைய தேர்தல்களைப் போல ஜனநாயகக் கட்சிக்கு ஆதரவாக முஸ்லிம் களின் ஆதரவை ஓருங்கிணைப்பது சற்று கடினம் என்றும் அவர் மேலும் தெரிவித்தனார்.

courtesy:www.tmmk.in

தமிழ்நாட்டில் இருக்கும் வேலூர் கோட்டை வளாகத்தில் இருக்கும் பள்ளிவாசலில் தொழுகை நடத்த தங்களுக்கு அனுமதி அளிக்கவேண்டும் என்று முஸ்லீம்கள் தரப்பில் பல ஆண்டுகளாக கோரிக்கை விடுக்கப்பட்டு வருகிறது.

இந்த கோட்டை வளாகத்தை தனது கட்டுப்பாட்டில் வைத்துள்ள இந்திய நடுவணரசின் தொல்லியல் துறை இந்த கோரிக்கையை ஏற்க மறுத்து வருகிறது. இந்த பின்னணியில் மார்க்சிஸ்ட் கம்யூனிஸ்ட் கட்சியின் உயர்மட்டக்குழு ஒன்று சமீபத்தில் இந்த கோட்டை வளாகத்திற்கு நேரில் சென்று ஆய்வு நடத்தி திரும்பியிருக்கிறது.

இந்த குழுவில் இடம்பெற்றிருந்த மார்க்சிஸ்ட் கம்யூனிஸ்ட் கட்சியின் நாடாளுமன்ற உறுப்பினரான பி மோகன் , இந்த கோட்டையில் இந்து மத வழிபாட்டிற்கு அனுமதி வழங்கப்பட்டிருப்பதை அடிப்படையாக கொண்டு, இஸ்லாமிய வழிப்பாட்டிற்கும் தொல்லியல்துறை அனுமதிக்க வேண்டும் என்பதே தங்களுடைய நிலைப்பாடு என்றும், இதற்காக தாங்கள் மத்திய அரசின் உதவியை நாடுவோம் என்றும் தெரிவித்தார்.

சில வாரங்களுக்கு முன்,த மு மு க மற்றும் சில முஸ்லீம் அமைப்புகள்,வேலூர் கோட்டை பள்ளிவாசலில் தொழுகை நடத்த வேண்டும் என வலியுறுத்தி போராட்டம் நடத்தியது குறிப்பிடத்தக்கது.

நமக்குள்ள இடம் தொழுகை நடத்த கிடைக்குமா அல்லது வழக்கம் போல் செவிடன் காதில் ஊதிய சங்கு போல ஆகுமா.? பொருத்திருந்து பார்ப்போம்.