உலகின் மிகப்பெரிய வீடியோ விளையாட்டுக்களை தயாரிக்கும் சோனி நிறுவனம், குர்ஆனின் வசனங்களை தனது வீடியோ கேமில் பயன்படுத்தியதற் காக மன்னிப்புக் கேட்டுள்ளது. இத்த கவலை அமெரிக்காவின் சிக்காகோ டைம்ஸ் வெளியிட்டுள்ளது.
முஸ்லிம்களிடம் மனம் வருந்தி மன் னிப்புக் கேட்பதாகவும், லட்சக்கணக்கான தங்களது கணினி மற்றும் வீடியோ கேம் பிரதிகளை திரும்பப் பெறுவதாகவும் சோனி கம்ப்யூட்டர் என்டர்டெயின் மெண்ட் ஆஃப் அமெரிக்காவின் இயக்குநர் பேட்ரிக் செய்போல்டு அறிவித்திருக்கிறார்.
சோனியின் `லிட்டில் பிக் பிளானெட் கேம்’ எதிர்வரும் வெள்ளிக்கிழமை மார்க்கெட்டுக்கு வருவதாக இருந்தது. இந்த வீடியோ விளையாட்டில் இடம் பெறும் இசையுடன் கூடிய பாட்டில் திருக்குர்ஆனின் இரண்டு வசனங்கள் தேவையே இல்லாமல் (முஸ்லிம்களை சீண்டுவதற்காகவே) இடம்பெற்றதால் சர்ச்சைகள் எழுந்தன.
இன்றைய தேதி வரை சோனியின் பி53 மட்டுமே பிரபலமான வீடியோ விளை யாட்டாக இருந்து வந்தது.
தற்போது அந்த சாதனையை முறியடிப்பதற்காக வெளிவந்த சோனியின் லிட் டில் பிக் பிளானட் முஸ்லிம் களிடையே கடும் கொந்தளிப்பை ஏற்படுத்தியுள்ளது. சிறுபிள்ளை விளையாட்டில் குர்ஆன் வசனங்களை சேர்த்தது சிறு பிள்ளை விளையாட்டாக எடுத்துக் கொள்ள முடியவில்லை.முஸ்லிம்களை வேதனைப்படுத்தும் விதமாக வீடியோ மார்க்கெட்டுக்கு வரு வது இது முதல்முறையல்ல. ஜப்பான் நிறு வனம் ஒன்றும், அமெரிக்க நிறுவனம் ஒன்றும் இதைப்போன்று மன்னிப்புக் கேட்டது குறிப்பிடத்தக்கது

ஆங்கில மொழி, அடுத்த ஆண்டில் ஒரு முக்கியமான கட்டத்தை எட்டுகிறது. ஆம்...10 லட்சம் வார்த்தைகளைக் கொண்ட மொழி என்ற புகழை எட்டப்போகிறது. ஒவ்வொரு 98 நிமிடத்திற்கு ஒரு முறை, ஆங்கிலத்தில் புதிய வார்த்தை உதயமாகிறது. தற்போது ஆங்கில வார்த்தைகளின் எண்ணிக்கை 9 லட்சத்து 99 ஆயிரத்து 844 என்ற அளவில் உள்ளது. இந்த நிலை தொடர்ந்தால், விரைவில் 10 லட்சம் வார்த்தைகளை எட்டி விடும். குறிப்பாக 2009, ஏப்ரல் 29ம் தேதிக்குள் 10 லட்சம் வார்த்தைகளை தொட்டு விடும்.

இதுபற்றி உலக மொழி கண்காணிப்பு அமைப்பின் தலைவர் பால்பேயாக் கூறியதாவது:உலகில், பல நாடுகளில் பரவலாகப் பேசப்படும் மொழி ஆங்கிலம். ஏனெனில், இந்த மொழி, ஏராளமான வார்த்தைகளை உட்கிரகித்து கொள்ளும் தன்மை கொண்டது. மக்களின் பேச்சு வழக்கில் உள்ள சொற்களையும் தன்மயமாக்கும் தன்மை கொண்டது ஆங்கிலம். பாலிவுட், ஹோலிவுட் போன்ற வார்த்தைகள் எல்லாம் இப்படித்தான் ஆங்கில மொழியில் இடம் பெற்றன. ஒவ்வொரு 98 நிமிடத்திற்கு ஒரு முறை புதிதாக ஒரு ஆங்கில வார்த்தை உருவாகிக் கொண்டிருப்பதால், 10 லட்சம் என்ற வார்த்தை என்ற இலக்கை 2009 ஏப்ரல் 29ல் நிச்சயம் அடைய முடியும். இருந்தாலும், அனைத்து வார்த்தைகளும் பயன்படுத்தப்படுவதில்லை. ஒரு பகுதி வார்த்தைகளே பயன்படுத்தப்படுகின்றன.ஒருவர் சராசரியாக 14 ஆயிரம் வார்த்தைகளை பயன்படுத்துகிறார். ஆங்கிலத்தில், பெரிய அளவில் புலமை பெற்றவர்கள் வேண்டுமானால், 70 ஆயிரம் வார்த்தைகளை பயன்படுத்த முடியும்.இவ்வாறு பால்பேயாக் கூறினார்.